Афғонистонда тинч аҳолидан яна тўрт киши нобуд бўлди

Афғонистон расмийлари Қандаҳор вилоятида йўл четига ўрнатилган бомба портлагани оқибатида тинч аҳолидан тўрт киши нобуд бўлганини айтди.

Ички ишлар вазирлиги эълон қилган баёнотда Шўрабак туманида 12 март куни содир бўлган воқеа юзасидан текширув олиб борилаётгани айтди.

Афғонистонда тинч аҳоли кўраётган талафотлар сони ортмоқда.

БМТ ўтган ҳафта эълон қилган ҳисоботга кўра, Афғонистондаги зўравонликлар оқибатида нобуд бўлган тинч аҳоли вакиллари сони 2010 йилда 15 фоизга кўпайиб, 2770 кишини ташкил қилган.