Линклар

logo-print
Ўзбекистон Республикаси президенти Ислом Каримов 18 март куни Оқсаройда Хитой Халқ Республикаси Давлат кенгаши ва Марказий ҳарбий кенгаши аъзоси, Мудофаа вазири Лиан Гуанлени қабул қилди.

Ахборот агентликлари хабарига кўра, учрашувда минтақада барқарорлик, икки томонлама алоқаларни ривожлантириш, сиёсий, ҳарбий ва ҳарбий-техникавий соҳаларда ўзаро ҳамкорликнинг ҳозирги аҳволи ва истиқболлари бўйича фикр алмашилган.

Хитой Мудофаа вазири бошчилигидаги делегация 18 март куни Ўзбекистон Мудофаа вазири Қобул Бердиев билан ҳам учрашди.

Мулоқот чоғида Ўзбекистон ва Хитой ўртасида ҳарбий соҳада алоқаларни ривожлантириш, минтақада хавфсизлик ва ҳамкорликни мустаҳкамлаш билан боғлиқ бошқа масалалар муҳокама қилинган.
XS
SM
MD
LG