Линклар

Ўзбекистон “Лукойл” билан ҳамкорликдан қониқади


Бухородаги газ ҳавзаси, 29 ноябр 2007 йил

Бухородаги газ ҳавзаси, 29 ноябр 2007 йил

Ўзбекистон Президенти Ислом Каримов “Лукойл” нефт-газ ширкати раҳбари Вагит Алекперовни қабул қилди.

Регнум ахборот агентлиги хабарига кўра, 20 май кунги учрашув чоғида Каримов Ўзбекистон томони Россия ширкати билан ҳамкорлик натижаларидан қониқиш ҳосил қилганини айтган.

“Лукойл” Ўзбекистоннинг йирик ва ишончли инвесторларидан бири ҳисобланади.

Алекперовга кўра, ҳозирда ширкат Ўзбекистонда тўртта инвестиция лойиҳасини амалга оширмоқда.

“Лукойл” уч йил давомида бу лойиҳаларга 1,5 миллиард АҚШ доллари миқдорида сармоя ётқизган. Шунингдек, ширкат келаси 3 – 4 йил давомида яна 3,5 миллиард доллар сармоя ётқизишни режалаган.

Қандим-Ҳавзоқ-Шоди-Қўнғирот улкан лойиҳасни амалга ошириш учун Россия ширкати яқинда Тошкентда "Lukoil Overseas Uzbekistan Ltd." номли бўлимини очди.
XS
SM
MD
LG