Линклар

Австралия ҳукумати Сурия Президенти Башар ал-Ассадни намойишчиларга қарши ваҳшиёна куч қўллаётгани учун уни Ҳаага халқаро трибуналига топшириш ғоясини илгари сурмоқда.

Расмийларга кўра, бугун Австралия сенати БМТ Бош котиби Бан Ки Мун ва БМТ Хавфсизлик кенгашига хат йўллаб, Суриядаги воқеалар бўйича халқаро текширув ўтказиш ва Башар ал-Ассадни Ҳаага трибуналига топширишни сўраган.

Австралиянинг ташқи ишлар ва савдо департаменти вакили Дэвид Стюарт Сурия ҳукуматининг намойишчиларга қарши куч қўллаётганини "инсониятга қарши жиноят" дея баҳолади.

Инсон ҳуқуқлари гуруҳларига кўра, март ойи ўрталарида бошланган намойишлардан шу кунга қадар мингдан зиёд одам, жумладан, 25 бола ўлдирилган.
XS
SM
MD
LG