Линклар

Шошилинч хабар
29 март 2024, Тошкент вақти: 16:56

Россия президенти Ўзбекистонга келади


Россия президенти Дмитрий Медведев (ч) ва Ўзбекистон президенти Ислом Каримов, Тошкент, 11 июн 2010 йил.
Россия президенти Дмитрий Медведев (ч) ва Ўзбекистон президенти Ислом Каримов, Тошкент, 11 июн 2010 йил.

Россия Федерацияси президенти Дмитрий Медведев 13 июн куни Ўзбекистонга икки кунлик ишчи сафарини бошлайди.

Россия президенти Дмитрий Медведевнинг ташрифи Ўзбекистон Республикаси президенти Ислом Каримовнинг таклифига кўра амалга ошмоқда.

Россия президенти Ўзбекистонга ташриф давомида икки давлат ўртасида ҳамкорлигини кенгайтириш, томонларни қизиқтирган минтақавий ва халқаро масалаларни муҳокама қилиши кутилмоқда.

Россия Ўзбекистоннинг энг йирик савдо ҳамкорларидан бири ҳисобланади.

UzDaily.uz нашри маълумотига кўра, ўтган йил Ўзбекистон ва Россия ўртасидаги маҳсулот айирбошлаш 55,9 фоизга кўпайиб, 2010 йил биринчи чорагида 823,3 миллион АҚШ долларини ташкил қилган.

Жорий йилнинг биринчи чорагида бу кўрсаткич 1 миллиард 284 миллион долларга етган.

2011 йилнинг январ-март ойларида Ўзбекистон ташқи савдосидаги Россиянинг улуши 22,4 фоизни ташкил қилган.

Ўзбекистон ТИВ маълумотига асосланиб Регнум ахборот агентлигининг билдиришича, Россия Ўзбекистоннинг ташқи савдо айланмасида биринчи ўринда туради.

2010 йил якунларига кўра, икки давлат ўртасидаги маҳсулот айирбошлаш ҳажми 6 миллиард 377 миллион АҚШ долларини ташкил қилган.

Икки давлат ўртасидаги ҳар томонлама ҳамкорлик 2004 йилда имзоланган Стратегик ҳамкорлик ҳақидаги ҳамда 2005 йилда имзоланган Иттифоқчилик тўғрисидаги келишувлар асосида ривожланмоқда.

Россиянинг Ўзбекистондаги элчиси Владимир Тюрденев 10 июн куни Ўзбекистон Ташқи ишлар вазирлигида қабул қилинди.

Ахборот агентликлари хабарига кўра, мулоқот чоғида Россия Федерацияси президентининг ташрифи билан боғлиқ масалалар, шунингдек, халқаро мавзудаги долзарб масалалар муҳокама қилинган.

Ўзбекистон президенти Ислом Каримов 2010 йилнинг 19-20 апрел кунлари Россияга расмий ташриф билан борди. Сўнгги 5-6 йил давомида Ўзбекистон ва Россия раҳбарлари олий даражада 20 дан зиёд учрашувлар ўтказганлар.

Тошкентга ташрифидан сўнг Россия президенти Дмитрий Медведев Қозоғистон пойтахтида 15 июн куни бошланадиган Шанхай ҳамкорлик ташкилотига аъзо давлатлар раҳбарлари саммитида иштирок этиш учун Остонага жўнаб кетади.
XS
SM
MD
LG