Линклар

Мердоклар Британия депутатлари томонидан сўроқ қилинади


Руперт Мердок(ўртада) Британия матбуоти қиролларидан ҳисобланади.



News Corp ширкати хўжайини ва бош бошқарувчиси Руперт Мердок ва Мердокнинг ўғли¸ ширкатнинг Британиядаги нашрлари бошқарувчиси Жеймс Мердок бугун Британия парламентида сўроққа тутилади.

Мердокка қарашли “News of the World” нашрининг шов-шувли воқеалар изидан қувиб¸ парламент депутатлари¸ машҳур шахслар¸ рақиб журналистлар¸ Афғонистонда ўлдирилган аскарлар ва қотиллик қурбони бўлган ўсмир қиз телефонига хуруж қилиб келгани Британияда катта жанжалга сабаб бўлмоқда.

Ушбу жанжал ортидан Мердок ширкатининг бир қатор бошқарувчилари ҳибсга олинди¸ “News of the World” нашри ëпилди¸ Лондон полицияси раҳбари истеъфога кетди.

Бугун парламентда белгиланган фавқулодда савол-жавоб мажлисида қатнашиш учун Британия Бош вазири Дэвид Камерон Африкага бошлаган сафаридан режадагидан олдинроқ қайтиб келди.
XS
SM
MD
LG