Линклар

НАТО Қаддафий қароргоҳини бомбаламоқда


Ливия парламенти биноси ҳужумдан кейин.

Ливия парламенти биноси ҳужумдан кейин.

Икки тундан бери Триполи марказини титратаëтган бомба ҳужумлари¸ НАТО кучлари расмийси¸ генерал Ник Поупга кўра¸ Муаммар Қаддафийнинг Баб ал-Азизия қароргоҳини нишонга олмоқда.

Генералга кўра¸ Қаддафий режимининг бош қароргоҳи саналган Азизияда Ливия қуролли қўшинларининг қўмондонлик маркази ҳам жойлашган.

Айни пайтда¸ Қоҳирада уч кун давом этган музокаралардан сўнг Қаддафий ҳукумати Ташқи ишлар вазири бирор бир расмий баëнот бермасдан жўнаб кетди.

Музокараларга воситачилик қилган Миср ҳукумати сўзчисига кўра¸ Ливия намояндалари АҚШ ва исëнчилар билан сўзлашувларни давом эттиришга ҳозирликларини билдирган¸ аммо Қаддафийнинг ҳокимиятдан кетиши борасида сўз бўлиши мумкин эмаслигини айтган.

41 йилдан бери Ливияни бошқариб келаëтган Муаммар Қаддафий ҳозирча Ғарб ҳукуматларининг ҳокимиятдан кетиш учун таклиф қилаëтган муросаларини рад этмоқда.
XS
SM
MD
LG