Линклар

logo-print

ЎИҲ суиқасд учун маъсулиятни зиммасига олди


Афғонистоннинг Қундуз вилоятидаги ЎИҲ жанггарилари.

Афғонистоннинг Қундуз вилоятидаги ЎИҲ жанггарилари.

Ал-Қоидага алоқадор бўлган Ўзбекистон Исломий ҳаракати (ЎИҲ) Афғонистон шимолидаги Панжшир вилоятининг Раҳа (Rakha) туманида қайта қуриш лойиҳаларини амалга ошираётган халқаро гуруҳ базасига қарши амалга оширилган ҳужум учун масъулиятни ўз зиммасига олди.

ЎИҲ ўз сайтида маълум қилишича, 15 октябр кунги ҳужум натижасида Афғонистоннинг икки фуқароси ва икки нафар база қўриқчиси нобуд бўлган.

Яхши қуролланган беш жанггари иштирок этган ҳужум худкуш шахс портловчи моддалар жойланган автомобилни база дарвозаси олдида портлатгани билан бошланган.

Интернет нашрига кўра, Афғонистон ва АҚШ ҳарбийлари ҳужумни қайтариб, қолган тўрт жанггарини ҳам йўқ қилган.

Халқаро тинчликпарвар кучлар базага уюштирилган ҳужум муваффақиятсизликка учраганини билдирди.

Бу АҚШ кучлари 2001 йилда Афғонистонга бостириб кирганидан бери Панжшир вилоятида амалга оширилган биринчи ҳужум экани айтилмоқда.

ЎИҲ яқинда интернет орқали эълон қилган баёнотида Панжширдаги ҳужум учун масъулиятни ўз зиммасига олиб, тўрт жанггари ва худкушнинг иккита фотосуратини чоп қилган.

ЎИҲ иддаосига кўра, ҳужумни амалга оширган жанггарилар Афғонистон шимолидаги Қундуз вилоятилик афғонистонликлар бўлган.
XS
SM
MD
LG