Линклар

Сурия Араб давлатлари лигаси қарорини қоралади


Сурия Ташқи ишлар вазири Волид ал-Муаллим.

Сурия Ташқи ишлар вазири Волид ал-Муаллим.

Сурия ҳукумати Араб давлатлари лигасининг аъзоликни вақтинча тўхтатиш ҳақидаги қарорини “ғоятда хатарли қадам”, деб баҳолади.

Ташқи ишлар вазири Волид ал-Муллим Дамашқдаги матбуот анжуманида бундай қадам Америка қутқуси билан қабул қилинган, мазмунида баёнот берди.

- Афсуски, Араб давлатлари лигаси Американинг лига тўхтатишга уринаётган зўравонликларни авж олдирадиган баёнотларини беэътибор қолдирди ва буни АҚШнинг лигага расман аъзо эмаслиги ҳақидаги важ билан изоҳлади. Ҳақиқатда ҳам АҚШ расмий аъзо эмас, бироқ кўплаб аъзо делегатлар бу давлатнинг норасмий аъзо эканини тан олади, - деди вазир жаноблари.

Араб давлатлари лигаси шанба куни Сурия ҳукумати намойшларни қонли бостиришни тўхтатиш тўғрисидаги келишувни бажаришга киришгунига қадар бу давлат аъзолигини вақтинча тўхтатиш қарорини қабул қилди.

Бундай қарор Россия Ташқи ишлар вазири томонидан ҳам “нотўғри”, дея танқид қилинди.

БМТ тарқатган маълумотга кўра, камида 3 ярим минг одам президент Башар ал-Ассад режимига қарши март ойида бошланган намойишларнинг ҳукумат қўшинлари томонидан қонли бостирилиши натижасида қурбон бўлган.
XS
SM
MD
LG