Линклар

Британия Эрон дипломатларини ҳайдамоқда


Британия Ташқи ишлар вазири Уильям Ҳейг.

Британия Ташқи ишлар вазири Уильям Ҳейг.

Британия Лондондаги Эрон элчихонаси дарҳол ёпилишини буюрди. Британия ҳукумати сешанба куни ҳужумга учраган Теҳрондаги элчихонасини ҳам ёпмоқда.

Британия Ташқи ишлар вазири Уильям Ҳейг парламент олдида қилган чиқишида эронлик барча расмийлар 48 соат ичида мамлакатдан чиқариб юборилишини маълум қилди.

- Лондондаги Эрон элчихонаси дарҳол ёпилиши ва Эрон дипломатик ходимларининг барчаси 48 соат ичида Бирлашган Қироллик ҳудудини тарк этишини талаб этишимиз тўғрисида Лондондаги Эрон расмийларини хабардор қиляпмиз. Ҳар қандай мамлакат ўз ҳудудида бизнинг ишлашимизга имкон бермас экан, биздан бу ерда элчихонаси фаолиятига йўл қўишимизни кутмасин, деди Ҳейг.

Сешанба куни эронлик намойишчилар Теҳрондаги Британия элчихонасига бостириб кириб, ойналарни синдирди ҳамда битта машинани ёқиб юбори ва Британия байроғини куйдирди.
Бу ҳужумга Британянинг Эронга нисбатан янги санкцияларни қўллаши туртки бўлди.

Эрон ташқи ишлар вазирлиги Уильям Ҳейг баёнотига жавобан Теҳрон “муносиб чора кўриши” ва “Британия ҳукумати Лондондаги дипломатик мулк ва ашёларни ҳимоя қилиш учун жавобгардир”, дея баёнот эълон қилди.
XS
SM
MD
LG