Линклар

Қозоғистон Бош прокуратураси матбуот хизмати Қизилўрда шаҳрида террорчи, дея гумон қилинган бир шахс ўлдирилганини маълум қилди.

Прокуратура эълон қилган баёнотда айтилишича, махсус хизматларга қарашли Аристон гуруҳи террорчиликда гумон қилинган 40 ёшли Эрик Аязбаевни аввалига қўлга олишга уринган.

Расмий хабарга кўра, Аязбаев биринчи бўлиб хавфсизлик кучлари аскарларига ўқ узган ва натижада юз берган отишмада унинг ўзи ўлдирилган.

Бу шахс тегишли экани айтилган Ағжан Ҳасен етакчилигидаги террорчи гуруҳ шу йил 3 декабр куни Боралдай қишлоғида нишонга олинган эди.

Ўшанда гуруҳнинг бошқа аъзолари билан бирга етакчиси Ағжан Ҳасен ҳам ўлдирилган эди.
XS
SM
MD
LG