Линклар

Суриядаги фаоллардан олинган маълумотга кўра, бугун Дамашқ шаҳрида намойишчилар ва хавфсизлик кучлари ўртасида яна тўқнашувлар бўлган.

Бугунги намойишлар пайшанба куни ҳукумат қўшинлари томонидан яна 40 кишининг ўлдирилганига норозилик тариқасида давом эттирилган эди.

Айни кезда Араб Лигаси кузатувчилари Суриянинг йирик шаҳарлари бўйлаб ўз текширувини давом эттирмоқда. Улар Ҳомс, Дараа, Ҳама ва Илдиб шаҳарларига борди.

Фаоллар бу ҳудудларда зўравонлик ва қотилликлар рўй бераётганини хабар қилаётган эди.

БМТ ҳисоб-китобларига кўра, Сурияда тўққиз ойдан бери президент Башар ал-Ассад режимига қарши давом этаётган аксил-ҳукумат чиқишларининг куч билан бостирилиши оқибатида 5 мингдан зиёд одам ўлдирилган.
XS
SM
MD
LG