Линклар

logo-print
Хитой ҳукмронлигидаги Шарқий Туркистоннинг Урумчи шаҳрида наркотиклар контрабандасида айбланган Қирғизистон фуқароси ўлимга ҳукм этилди.

Қирғизистон Ташқи ишлар вазирлигининг Урумчидаги ваколатхонаси ходими Озод Эркабоевнинг Озодликка билдиришича¸ ҳозирча ўлим ҳукмининг қачон ижро этилиши ҳақида маълумот йўқ.

Қирғиз дипломатига кўра¸ ҳозирда Шинжон мухтор ўлкаси ҳибсхоналарида 15 нафар Қирғизистон фуқароси сақланмоқда¸ тутқунларнинг 12 таси устидан суд ҳукм чиқарган¸ уч нафари эса¸ ҳукмни кутмоқда.

Қамоққа ташланган қирғизистонликларнинг аксарияти Хитойда ўлим жазосига лойиқ жиноят деб белгиланган наркотиклар контрабандаси ва савдоси билан боғлиқ жиноятларда айбланган.

Қирғизистон Ташқи ишлар вазирлигига кўра¸ ҳозирда 1500 дан ошиқ қирғизистонлик 200 мингга яқин этник қирғиз яшовчи Шинжонда хусусий тадбиркорлик билан шуғулланмоқда.
XS
SM
MD
LG