Линклар

Ўзбек футболчилари рейтинги оширилди


Ўзбекистон миллий жамоси.

Ўзбекистон миллий жамоси.

Футбол уюшмалари халқаро федерацияси (ФИФА) 18 январ куни жаҳондаги миллий жамоалар янги рейтингини эълон қилди.

Ўзбекистон Футбол федерацияси матбуот хизматининг мухбирларга билдиришича¸ ўзбек миллий жамоаси бу рейтингда 8 поғонага баландлаган ва 495 балл билан жаҳон рўйхатида 67-ўринга қўйилган.

Айни пайтда¸ ФИФА хулосасига кўра¸ футбол бўйича Ўзбекистон миллий жамоаси Осиë жамоалари орасида 5-ўринни эгаллаган ва бу рўйхатда илк бор¸ Хитойдан тепага кўтарилган.

Осиë жамоалари рўйхатида Япония¸ Австралия¸ Жанубий Корея ва Эрон футболчилари биринчи тўртликдан жой олган.

ФИФА рейтинги бўйича дунë миллий жамоалари рўйхатининг биринчи поғонасини 1564 балл билан Испания¸ иккинчиликни 1365 балл билан Ҳолландия ва учинчиликни 1345 балл билан Германия футболчилари эгаллади.

Ҳозирда Ўзбекистон миллий жамоаси футбол бўйича Бразилияда ўтадиган 2014 йилги жаҳон чемпионати саралаш ўйинларининг 4-босқичига йўлланма олган ва Вадим Абрамов ўз жамоасининг Бразилияга бориш имконларини юқори баҳоламоқда.
XS
SM
MD
LG