Линклар

АҚШ махфий ҳисоботида Покистон Толибонни қўллаëтганликда айбланади


Ғарб матбуотига сиздирилган махфий ҳарбий ҳисоботда айтилишича¸ Покистон махсус хизматлари Афғонистондаги Толибон жанггариларига мамлакатдаги хориж кучларига қарши амалиëтлар уюштиришга ëрдам бермоқда.

BBC ва "The Times" газетасининг хабар қилишича¸ АҚШ ҳарбийлари томонидан ҳозирланган махфий ҳисобот декабр ойида НАТОнинг юқори даражали раҳбариятига топширилган ва унга кўра 2014 йил охирига бориб НАТО кучлари Афғонистондан чиқиб кетгач¸ Толибон ҳокимиятни қайта қўлга киритишни режаламоқда.

Махфий ҳисоботда ëзилишича¸ Покистон махфий хизмати Толибон раҳбариятини муттасил манипуляция қилишда давом этмоқда ва толиб жанггарилари уюштираëтган ҳужумларда¸ шубҳасиз¸ исломободдагиларнинг қўли бор.

Ҳисоботнинг матбуотга чиққан хулосасига муносабат билдирган Покистон Ташқи ишлар вазирлиги уни “бемаъни” деб атади ва Исломобод ҳукуматининг қўшни Афғонистон ички ишларига аралашиш ниятидан йироқ эканини билдирди.
XS
SM
MD
LG