Линклар

Рафик Таги ўлими юзасидан расмий хулоса эълон қилинди


Рафик Таги касалхонада ўлим олдида.

Рафик Таги касалхонада ўлим олдида.

Озарбайжон ҳуқуқ идоралари Боку касалхонаси ходимлари мухолифатчи ëзувчи Рафик Тагининг ўлими учун масъул эмас¸ деган қарорга келди.

Ноябр ойида номаълум шахс томонидан пичоқлаб кетилган Таги ўз аҳволи барқарорлашганидан бир неча кун ўтиб¸ касалхонада жон берган эди.

Аммо ëзувчининг яқинлари Тагининг ўлимига касалхона хизматчиларининг лоқайдлиги сабаб бўлганини айтмоқда.

Жума куни Озодлик радиосига гапирган Тагининг укаси Рафаэл Таги расмий хулосани асоссиз¸ дея баҳолади.

Таниқли мухолифатчи ëзувчининг ўлими юзасидан жамоатчилик суриштируви ўтказган гуруҳ вакили Меҳмон Алиев касалхонага ëтқизилган Таги хавфсизлиги яхши қўриқланмагани¸ унга берилган озиқ-овқат ва дори сифати ҳам текширилмаганини билдирди.

Таги ўлими юзасидан тергов ўтказган Озарбайжон Ички ишлар вазирлиги шу муносабат билан 130 дан ошиқ шахс сўроқ қилинганини билдирди.
XS
SM
MD
LG