Норвегияда Брейвик суди бошланди
Ўтган йили Норвегия пойтахти Ослода саккиз кишининг ўлимига сабаб бўлган иккита портлаш ҳамда Утойа оролида 69 кишини отиб ўлдирганликда айбланаётган Андерс Беринг Брейвик устидан суд бошланди. Қотилликларни амалга оширганига иқрор бўлган Брейвик суд залига кириб келар экан, ультрамиллатчиларга хос равишда қўли олдинга отиб, суд иштирокчиларини "олқишлади". 77 кишини ўлдирганликда айбланаётган Брейвик ўз ҳаракатларини Норвегиянинг иммигарцион сиёсатига қарши норозилик ифодаси ўлароқ изоҳалмоқда. 33 ёшли Брейвикка террорчилик айбловлари ҳам қўйилмоқда.