Линклар

logo-print

Саудия Арабистони Мисрдаги элчихонасини ёпди


Қоҳирадаги Саудия элчихонаси олдида мисрликлар ўтказган норозилик намойиши, 2012 йил 24 апрел.

Қоҳирадаги Саудия элчихонаси олдида мисрликлар ўтказган норозилик намойиши, 2012 йил 24 апрел.

Саудия Арабистони Мисрдаги элчихонасини ёпди ва ўз дипломатларини мамлакатга чақиртириб олди.

Риёд расмийлари бундай қарор қабул қилишига Мисрда Саудия Арабистонига қарши оммавий намойишлар ўтказилгани ва одамлар элчихонани босиб олишга урингани сабаб бўлди.

Мисрлик машхур адвокат ва ҳуқуқ ҳимоячиси Аҳмад Ал-Гезави Саудия Арабистонида ҳибсга олинганига қарши шу ҳафта Қоҳирада оммавий намойишлар бўлди.

Норозилик қатнашчилари Ал-Гезави Саудия қамоқхоналаридаги мисрлик маҳбусларга ёмон муносабатда бўлинаётгани ҳақидаги шикояти учун Қирол Абдуллоҳни ҳақорат қилганлик айби билан қўлга олинган, деган фикрда.

Бироқ Саудия расмийлари ҳуқуқ фаоли наркотиклар сақлагани учун ҳибсга олинганини таъкидламоқда.
XS
SM
MD
LG