Линклар

Tojik musulmonlari Makkaga piyoda yo‘lga chiqdi


Hajga piyoda yo‘lga chiqqan xatlonlik musulmonlar.

Hajga piyoda yo‘lga chiqqan xatlonlik musulmonlar.

Tojikistonning Hamadoniy rayonida yashovchi sakkiz musulmon Haj ziyoratini ado etish niyatida Saudiya Arabistoniga poyi piyoda yo‘lga tushishdi.

Rivojlangan texnologiya va kommunikatsiya davri qulayliklariga qaramay¸ Hajga ibtidodagi kabi piyoda borishga azm etgan xatlonlik musulmonlarning yoshi 21 va 65 oralig‘ida.

Ular 8 may kuni faylasuf va shoir Mirsaid Ali Hamadoniyning Ko‘lobdagi maqbarasini ziyorat qilgach¸ qaydasan Makkayu Madina deya quyi Panj daryosi bo‘ylab yo‘lga tushishdi.

Mazkur guruhga bundan olti yil avval Rossiyadan Makkaga piyoda ziyorat qilib¸ Hoji piyoda degan nom olgan tajribali sportchi Abdulaziz Rajabov yetakchilik qilmoqda.

Ozodlik bilan suhbatda Rajabov¸ piyoda Haj ziyoratidan juda katta ma‘naviy oziq olgani bois¸ o‘z millatdoshlariga ham bu tajribani ilinganini aytadi.

Sportchi yigit sakkiz kishilik musulmonlar guruhini oktyabr oyi oxirlarida boshlanadigan Qurbon hayitiga qadar Makkaga yetkazib borish rejasida.

- Men Hajga birinchi piyoda ziyoratimni 2005 yilda boshlab¸ 2006 yilda yakuniga yetkizgan edim. Yo‘lning o‘ziga 7 oy sarfladim¸ 2-3 oy do‘stlarimnikida mehmon bo‘ldim. Umumiyatla¸ piyoda Haj qilishga ikki yilcha vaqt ketdi. Birinchi Hajdan qaytib¸ yana boshqatdan piyoda ziyoratni boshlash uchun 3-4 yil tayyorlandik. Biz Qurbon hayitiga qadar Makkaga yetib borishimiz¸ Haj amallarini ado etgach¸ vatanga yana piyoda qaytishimiz kerak¸ deydi yo‘lga otlanganlar guruhi yetakchisi Abdulaziz Rajabov.

Piyoda ziyoratga chiqqanlardan biri Amriddin Ismoilov¸ yo‘lga chiqishdan avval o‘zi ikki yil davomida hozirlik ko‘rganini aytadi. "Bu ziyorat¸ menga ham ruh ham badanni tozalash uchun o‘ta muhimdir"¸ deydi Ozodlik bilan suhbatda Amriddin Ismoilov:

- Men o‘zimni sinab ko‘rmoqchiman. Hozir 60 yoshga kirdim va o‘zim va quvvatimni sinab ko‘rmoqchiman. Shunday bir safarni amalga oshirishga qodirmanmi¸ yo‘q¸ shuni bilmoqchiman¸ deydi sakkiz ziyoratchidan biri.

Guruhning yana bir a‘zosi 65 yashar Abdurahim Madiyev umr bo‘yi Haj orzusida yashagani¸ ammo bu orzusini amalga ko‘chirish uchun moliyaviy qurbi yetmay kelganini aytadi.

"Hajni tekinga ado etish imkoni tug‘ilishi bilan¸ men bu imkondan foydalanishga qaror qildim"¸ deydi bu dindor:

- Doim muqaddas ziyorat orzusida yashadim. Bunaqa imkon tug‘ilish bilan¸ 2-3 yil ichida sport bilan shug‘ullandim. Ollohning bu ziyoratni amalga oshirishim uchun kuch berishi va eson-omon uyga qaytishga umid qilib yo‘lga chiqdim¸ deydi Abdurahim Madiyev.

Hamadoniylik sakkiz dindorning piyoda Haj ziyoratini amalga oshirishi bilan bog‘liq viza va boshqa hujjatlarni hozirlash jarayonida¸ aytilishicha¸ Ko‘lob ma‘muriyati qoshidagi Sayyohlik boshqarmasi yordam bergan.

Ziyoratchilar Makkaga yetib borish uchun notinch Afg‘oniston¸ Pokiston¸ Eron va Iroq hududini kesib o‘tishlari kerak bo‘ladi.
XS
SM
MD
LG