Тошкентда яна зилзила рўй берди

Бугун Тошкентда яна зилзила қайд этилди. Тошкент сейсмология маркази хабарига кўра, маҳаллий вақт билан 12.36да 2,5 балл куч билан ер қимирлаган.

Зилзила эпимаркази Ўзбекистон ва Афғонистон чегарасида бўлган.

Тошкентда ер силкинишлари унчалик сезиларли бўлмади. Бироқ бу охирги кунларда содир бўлган иккинчи зилзила ҳисобланади.

Эслатиб ўтамиз, 12 июл куни пойтахтда 3 балли 3-4 та силкиниш юз берганди. Ҳар икки зилзила оқибатида талафотлар бўлмаган.