Тожикистонда мустақил сайтларга тўсиқ қўйилди

Тожикистонда BBC, Лента.ру, ва маҳаллий "Озодагон" порталига тўсиқ қўйилган.

Тожик интернет-провайдерлари интернет сайтларига тўсиқ қўйиш кераклиги ҳақида оғзаки буйруқ олганларини маълум қилишган.

Кузатувчилар Тожикистонда интернет сайтларига тўсиқ қўйилишини Тоғли Бадахшондаги ҳодисалар ҳақида аҳоли орасида расмий хабарлардан фарқ қиладиган маълумотлар тарқалишининг олдини олиш учун қилинаётган тадбир сифатида кўрмоқдалар.

Тожикистон шарқидаги Тоғли Бадахшон минтақасида генерал Абдулло Назаровнинг ўлимига алоқадор шахсларни ушлаш бўйича ҳарбий амалиётлар давом этмоқда.