Линклар

logo-print
Бугун ўзбекистонлик спортчилар Лондон Ёзги Олимпиадасида мусобақаларнинг тўрт тури бўйича беллашишади.

Ўзбекистонлик енгил атлетикачи Анастасия Свечникова найза улоқтириш мусобақасининг саралаш босқичида қатнашади. Беллашув Тошкент вақти билан соат 14:00 да бошланади.

Байдаркачи Юлия Борзова Тошкент вақти билан соат 14:07 да бошланадиган 500 метрга эшкак эшиш саралаш баҳсида қатнашади.

Яна бир енгил атлетикачи Юлия Тарасова узоқликка сакраш беллашувида қатнашади. Беллашув Тошкент вақти билан соат 23:05 да бошланади.

Энг енгил вазн тоифасида қатнашаётган боксчи Жасурбек Латипов (52 кг) ярим финалга чиқиш учун мўғулистонлик Тугстсогт Намбаярга қарши рингга тушади. Учрашув Тошкент вақти билан соат 00:45 га белгиланган.

Ҳозирча Ўзбекистон битта бронза медал билан турнир жадвалининг 56-поғонасида турибди.
XS
SM
MD
LG