Ҳайит куни Ассад Дамашқдаги масжидда кўриниш берди

Сурия телевиденияси президент Башар ал Ассаднинг Дамашқдаги масжидда Ҳайит намозини адо этаётгани акс этган видео тасиврларни намойиш этди.

Унга мамлакат бош вазири ҳамрохлик қилаётганди. Лекин, Сурия вице-президенти Фарук Шараа кадрда кўринмади.

Шараанинг қочиб кетгани ва мухолифат томонига ўтгани ҳақда аввалроқ хабарлар пайдо бўлганди.

Бир ой аввал Суриянинг бир қанча расмийлари ўлимига сабаб бўлган Дамашқдаги портлашлардан бунё Ассад телевидениеда кўринмаётганди.