Қирғиз чегарачиси қуролдошларини отиб ўлдирди

Қирғизистоннинг Иссиқ кўл вилоятида мамлакат чегара қўшинлари ҳарбий ҳизматчиси ўзи билан бирга ҳизмат қилаётган қуролдошларига қарата автоматдан ўқ узган.

Қирғизистон ҳуқуқ-тартибот органларига кўра, оқибатда беш киши ҳалок бўлган.

Исми айтилмаётган қирғизистонлик ҳарбий ҳизматчи жиноятни содир этиб бўлганидан сўнг, қўлида қурол билан чегара пости бошлиғининг автомобилини миниб, қочган. Ҳозирда у қидирилмоқда.