Линклар

Ливанда Сурия президенти Башар Ассад тарафдорлари ва мухолифлари ўртасида юз берган тўқнашувда 5 киши ҳалок бўлди, яна 43 киши тан жароҳати олди.

Полиция маълумотларига кўра, Триполи шаҳри шимолидаги суннийлар истиқомат қиладиган мавзеда 2 киши, алавийлар яшайдиган мавзеда эса 3 киши ҳалок бўлган. Қурбонлар орасида 13 яшар бола ҳам бўлгани айтилмоқда.

Ливан ҳарбийларига кўра, шаҳарда тўқнашувлар ҳали ҳам давом этаяпти. Маҳаллий аскарлар айни пайтда қурол-аслаҳа ва портловчи моддаларга эга бўлиб олган гуруҳларни излаш билан банд.

Триполида яшовчи суннийлар Башар Ассад режимига қарши, алавийлар жамоаси эса аксинча ўз жамоатидан бўлган Сурия президентини қўллайди.
XS
SM
MD
LG