Линклар

logo-print
Ўзбекистон расмийлари МТС ширкати шўъбаси “Ўздунробита” компанияси мулкини суд қарорисиз ҳибсга олмоқда.

МТС ширкати матбуот хизматининг маълум қилишича, ташкилотга қарашли мулк Ўзбекистон Бош прокуратураси қарорига кўра, “Ўздунробита” ходимлари устидан бораётган суд маҳкамаси муносабати билан ҳибсга олинмоқда. Бу, дея таъкидланади МТС эълон қилган баёнотда, Ўзбекистон қунунчилигига зиддир.

Бунда Ўзбекистон расмийлари МТС ширкатининг суд ишида қатнашишига рухсат бермагани ва уни ўз ходимлари манфаатларини ҳимоя қилиш ҳуқуқидан маҳрум қилгани ҳам қайд этилади 31 август кунги пресс-релизда.

Жиноят ишлари бўйича Тошкент шаҳар суди 27 август "Ўздунробита" ширкати бошқарувида ишлаган тўрт ўзбекистонликни суд қила бошлади. Темурмалик Олимов, Азизилло Мирзамўйдинов, Алишер Муҳаммедов ва Азиз Раҳимовлар молиявий жиноятлар ва ноқонуний даромадни ўзлаштириш мақсадида жиноий гуруҳ тузганликда айбланмоқда.

Ўзбекистон расмийлари жорий йил 17 июл куни мамлакатдаги энг йирик мобил оператори ҳисобланган “Ўздунробита” фаолиятини тўхтатган эди.

27 август куни Тошкент шаҳар хўжалик судиинг аппеляцион инстанцияси қуйи суднинг “Ўздунробита” ширкати лицензияларини бекор қилиш тўғрисидаги қарори юзасидан берилган шикоятни рад этди.
XS
SM
MD
LG