Бу шикоят билан “Эркин микрофон”га Қашқадарёнинг Нишон туманида истиқомат қилувчи Ёдгор исмли тингловчимиз мурожаат қилди.
Вилоятнинг бошқа тумани – Ғузорда жойлашган полиэтилен ишлаб чиқарадиган йирик ишлаб чиқариш корхонаси - Шўртан газ-кимё комплексидан тингловчимиз яшайдиган қишлоқ 30 километр узоқликда.
Шунга қарамай, унинг айтишича, корхона мўриларидан чиқадиган заҳарли тутун мана бир неча йилдирки, атрофдаги шаҳар-қишлоқлар аҳли ҳаётини том маънода заҳарламоқда.