Обама ва Ромни ўртасида дебат бўлади

АҚШнинг Денвер шаҳрида президентликка номзодлар Барак Обама ва Митт Ромни биринчи дебатни ўтказишади. Дебатлар Тошкент вақти билан пайшанба саҳарда, соат 04.00да бошланади.

Бугунги дебат мамлакат ички сиёсати атрофида бўлади. Ўтказилган ижтимоий сўров натижаларига кўра, Обама рақиби Ромнидан озгина олдинда бормоқда.

11 октабрда вице-президентликка номзодлар Жо Байден ва Пол Райян ўртасида дебатлар бўлади.

АҚШда президентлик сайловлари 6 ноябр кунига белгиланган.