Линклар

logo-print
Toshkentning "Bunyodkor" futbol jamoasi o'z uyida Avstraliyaning "Adelaida Yunayted" jamoasiga qarshi o'tgan o'yinda 3:2 hisobi bilan g'olib chiqib, Osiyo Chempionlar ligasi yarim finaliga yo'llanmani qo'lga kiritdi.

3 oktyabr kuni Toshkentdagi "Jar" stadionida o'tgan o'yinda hisobni 4-daqiqada avstraliyaliklar ochib berishdi. Vidoshichni pasidan foydalangan Ian Remsi kuchli zarbasi bilan hisobni 1:0 ga o'zgartirdi.

Toshkentliklarning javobi esa uzoq kuttirmadi. 18-daqiqada Viktor Karpenko tarafidan o'ng qanotdan uzatilgan to'pni Lutfulla To'rayev boshi bilan darvozaga yo'lladi. Birinchi bo'lim 1:1 hisobi bilan yakunlandi.

Ikkinchi bo'limda maydonga zahiradan tushirilgan avstraliyalik Jeronimo Nyuman 62-daqiqada hisobni 1:2 ga yetkazdi. Hisobni tenglashtirish uchun bor kuchini hujumga qaratgan "Bunyodkor" o'yinchilari 72-daqiqada hisobni tenglashtirishga muvaffaq bo'lishdi - 2:2. Bu gal Akmal Shorahmedov o'z mahoratini ko'rsatdi.

O'yinning asosiy vaqti tugaguncha hisob o'zgarmadi.

Chorak final birinchi uchrashuvi ham 2:2 hisobi bilan yakunlangani bois, o'yin qo'shimcha taymlarda davom etdi.

O'yinning 115-daqiqasida "Bunyodkor" tarafidan kiritilgan gol uchrashuvga nuqta qo'ydi - 3:2. "Qaldirg'ochlar"ga g'alaba keltirgan golga zahiradan maydonga tushgan yosh futbolchi Alibobo Rahmatullayev mualliflik qildi. U birinchi gol muallifi Lutfulla To'rayev tarafidan jarima maydonchasiga uzatilgan to'pni boshi bilan raqib darvozasining uzoq burchagiga yo'lladi.



Qo'pollikllar boy o'tgan o'yinda bahraynlik hakam futbolchilarni ayab o'tirmadi. 120 daqiqa davom etgan o'yinda o'n marotaba sariq kartochka ko'rsatildi. Qo'pol o'yin uchun uch futbolchi maydondan chetlatildi - Fabian Barbiyero ('89), Anvar G'ofurov ('100) va Ian Fayf ('119).

Ikkala jamoa o'rtasida 19 sentabr kuni Avstraliyada o'tgan chorak finalning dastlabki uchrashuvida 2:2 hisobida durang natijasi qayd etilgan edi. "Bunyodkor" ikki o'yin natijasiga ko'ra 5:4 hisobi bilan chorak finalida go'lib bo'lib, OFK Chempionlar ligasi yarim final bosqichiga yo'llanmani oldi.

24 otyabr kuni bo'lib o'tadigan yarim final bosqichining dastlabki o'yinida "Bunydkor" chorak finaldagi "Al Hilol"-"Ulsan Hyunday" juftligi g'olibi bilan bellashadi.

O'zbek futboliga oid yana bir xushxabar - Eronda o'tayotgan 16 yoshgacha bo'lgan o'smirlar o'rtasidagi Osiyo chempionatida O'zbekiston o'smirlar terma jamoasi ham 3 oktyabr kuni ulkan yutuqqa erishdi. Chempionat yarim finalida Dilshod Nuraliev shogirdlari musobaqa mezboni Eron o'smirlar terma jamoasini 2:3 hisobida yengib, final bosqichiga chiqishga muvaffaq bo'lishdi.

6 oktyabr kuni o'tadigan final o'yinida o'zbekistonlik o'smirlar yaponiyalik tengqurlari bilan kuch sinashishadi.

Шарҳларни кўрсатинг

XS
SM
MD
LG