Линклар

Шумахер яна спортни тарк этмоқда


Формула 1 бўйича етти карра чемпион Михаэл Шумахер.

Формула 1 бўйича етти карра чемпион Михаэл Шумахер.

Формула 1 бўйича етти карра чемпион Михаэл Шумахер жорий мусобақа мавсумидан кейин бутунлай спортдан кетишини эълон қилди.

43 яшар немис авто-пойгачи ўз фаолиятини якунлаш ниятлари ҳақида ўз веб-саҳифаси орқали эълон қилди. “Хайрлашиш фурсати келди”, деб ёзди Шумахер пайшанба куни.

Япониянинг Сазука шаҳрида ўтказиладиган Гран-при ўйинлари арафасида эълон қилинган баёнот Шумахер Mercedes билан шартномаси тугагач, бошқа командага ўтади, деган миш-мишларга нуқта қўйди.

Шумахер етти марта чемпионлик унвони ва Гран-при пойгаларида 91та ғалабани қўлга киритиб, рекорд ўрнатган.

У 2006 йилда ҳам, Benetton жамоасида олти марта, Ferrari командасида беш марта ғалабани қўлга киритгач, спортдан кетиши эълон қилган эди. Лекин 2010 йилда Mercedes жамоасида пойга қилиш учун спортга қайтган эди.
XS
SM
MD
LG