"Zara" ўзбек пахтасини бойкот қилувчилар сафига қўшилишини тасдиқлади

“Zara” кийим-кечак дўконлари тармоғини назорат қилувчи Испаниянинг “Inditex” ширкати мажбурий меҳнат ҳисобига етиштирилаётган ўзбек пахтасини бойкот қилиш тадбирига қўшилишини Озодликка тасдиқлади.

Бутун дунё бўйлаб Walk Free гуруҳининг минглаб фаоллари Facebook ва Twitter тармоқлари орқали “Zara”ни ҳам ўзбек пахтасини бойкот қилган тўқсондан ортиқ ширкат сафига қўшилишга чақирган эди.

Шу чақириқлар ортидан Inditex ўзбек пахтасини бойкот қилиш тадбирига қўшилишга ваъда берди.