Линклар

Миср пойтахти Қоҳирада президент саройи олдида содир этилган тўқнашувда 58 одам жароҳатланди.

Тўқнашув президент Муҳаммад Мурсий тарафдорларининг президент саройи олдида норозилик намойиши ўтказаётган мухолифатчилар билан зиддиятга киришуви оқибатида содир бўлган.

Полициянинг аралашувига қарамай, тўқнашувлар Қоҳиранинг бошқа кўчаларида ҳам давом этган. Мухолифат лидерларидан бири Муҳаммад ал Барадей зўравонликларда президентни айблади.

Миср президенти 15 декабрда мамлакат янги конституцияси юзасидан референдум ўтказиш тўғрисидаги фармонни имзолаган. Мухолифат мазкур конституцияда диний озчиликлар ва либераллар ҳуқуқлари инобатга олинмаганига норозилик билдириб келмоқда.
XS
SM
MD
LG