Дунёда сотилаётган ўйинчоқларнинг 75 фоизи Хитойда ишлаб чиқарилади. Ўйинчоқлар ясайдиган корхоналарнинг аксар ишчилари ҳафтасига 6-7 кунлаб ишлайди. Аёл ишчилар эса ҳомиладорлик таътили ёки ёш бола учун ёрдам пули олишмайди. Ўйинчоқ ишлаб чиқариш хавфли кимё моддалари билан ишлашни ҳам назарда тутади, бу эса кўп ҳолатларда ишчиларнинг касалланишига олиб келади. Немис фотографи Микаэл Волф Хитойдаги ўйинчоқ фабрикаларидан бирида бўлиб ишчиларнинг ишлаш ва яшаш шароити ҳақида фоторепортаж тайёрлади.
