Линклар

Шошилинч хабар
28 март 2024, Тошкент вақти: 19:18

Лукойл 2013 йилда Ўзбекистонга кўпроқ сармоя ётқизмоқчи


Россиядаги энг йирик хусусий нефт-газ ширкати ҳисобланган Лукойл 2013 йилда Ўзбекистонда амалга оширилаётган лойиҳалар учун кўпроқ сармоя ажратишни режаламоқда.

Буни Лукойлнинг хорижий лойиҳалар бўлими бошлиғи Андрей Кузяевга асосланиб Россиядаги ахборот агентликлари хабар қилди.

Кузяев ўз ширкати Ўзбекистондаги лойиҳаларга энг кўп сармоя ётқизиладиган давр 2013-2017 йилларга тўғри келишини айтган.

Хабарларга кўра, Лукойл келаси йил Марказий Осиёдаги лойиҳаларга 687.5 миллион АҚШ доллари миқдорида сармоя ётқизишни мўлжаллаган.

Лукойл Бухоро вилоятидаги Қандим ва Устюрт Платосидаги газ ҳавзаси лойиҳаларига 392.3 миллион доллар сармоя ажратилишини билдирган.

Айни пайтда, Ғисор газ хавзасини ўзлаштириш учун 286.2 миллион доллар ажратилади.
XS
SM
MD
LG