Линклар

Қозоғистон Божхона қўмитаси собиқ раҳбари 10 йилга қамалди


Серик Баймағанбетов қора курсида.

Серик Баймағанбетов қора курсида.

Остона шаҳар суди Қозоғистон Божхона қўмитаси собиқ раҳбари Серик Баймағанбетовни 10 йиллик қамоқ жазосига ҳукм қилди.

Сешанба кунги судда Баймағанбетов пора олганликда айбдор деб топилган. Суд ҳакамлари Баймағамбетовга тегишли мулкларни мусодара қилиш ҳақида ҳам ҳукм чиқарган.

54 ёшдаги Серик Баймағанбетов ўтган йил феврал ойида лавозимидан истеъфога чиқиши билан ҳибсга олинган.

Баймағанбетов бир кишини Божхона хизматига ишга қабул қилиш учун 80 минг доллар пора олганликда айбланган. Унинг иши бўйича суд ўтган йил сентябрида бошланган эди.

Баймағанбетов қонунга зид иш қилмаганини айтган ва ўзига қўйилган айбловни инкор қилган.

Серик Баймағанбетов 2011 йилда Божхона қўмитаси раиси этиб тайинланишидан олдин Қозоғистон Ички ишлар вазири бўлиб ишлаган.
XS
SM
MD
LG