Линклар

logo-print
Жазоирдаги Аменас газ мажмуасида кишиларни гаровга олган беш муҳтамал жанггари ҳибсга олинди. Бу ҳақда маҳаллий телеканаллардан бирининг маълумотига таянган ҳолда «Франс-Пресс» ахборот агентлиги хабар тарқатди.

Шанба куни гаровдагиларни озод қилиш бўйича армия амалиёти якунлангани ҳақида билдирган Жазоир расмийлари газ мажмуасига ҳужумда иштирок этган 32 нафар экстремист ўлдирилганини қайд этгандилар.

Расмийларга кўра, гаровдаги кишилардан камида 23 нафари ҳалок бўлган. Япония, Малайзия, Буюк Британия, Норвегия ва Колумбия фуқаролари бўлган яна бир неча асирнинг тақдири ҳалигача номаълум бўлиб қолмоқда.

Амалиёт чоғида 685 нафар жазоирлик ва 107 нафар хорижлик қутқарилган. Ҳозирда газ мажмуаси ҳудудини миналардан тозалаш ишлари давом этмоқда.

Айни пайтда Жазоир расмийлари фожеа натижасида ҳалок бўлганлар сони бундан-да ортиши мумкинлигини истисно қилмаяптилар.
XS
SM
MD
LG