Линклар

logo-print

Жазоирда гаровга олинган одамлардан 48 киши ўлгани тахмин қилинмоқда


Ин Аменасдаги газни қайта ишлаш заводи.

Ин Аменасдаги газни қайта ишлаш заводи.

Жазоир хавфсизлик кучлари мамлакат шарқида жойлашган Ин Аменас минтақасидаги газ қазиб олиш мажмуида жанггарилар гаровга олган одамларни озод қилиш амалиётда камида 48 одам ҳалок бўлгани тахмин қилмоқда.

Бундан аввал 23 киши ўлдирилгани расман тасдиқланган эди. Бироқ якшанба куни мажмуада қидириш ишлари олиб борган хавфсизлик кучлари 25 одамнинг жасадини топган.

Айни пайтда, гаровга олинган 20 кишининг тақдири номаълум қолмоқда.

Жазоир ҳукумати 32 жанггари йўқ қилинганини маълум қилди.

Дастлаб, расмийлар газ мажмуасига ҳужум қилганларнинг ҳаммаси ўлдирилганини айтган эди.

Бироқ якшанба куни ҳарбийлар жанггари деб гумон қилинган беш нафар шахс қўлга олингани, яна бир неча киши қидирувда эканини билдирди.

Амалиёт натижасида гаровга олинган 685 нафар жазоирлик ва 107 нафар хорижлик қутқарилган.
XS
SM
MD
LG