Линклар

“Россия” авиакомпаниясининг қирғизистонлик йўловчиси 22 январ куни Санкт-Петербуг-Ўш йўналиши бўйича учиб келаётиб тўсатдан кўзи ёриди. Бу ҳақда авиаташувчининг “Живой журнал” блогига таянган ҳолда “Интерфакс” хабар тарқатади.

Хабарда айтилишича, Ўш шаҳрига қўнишга бир соат қолганида Гулдана Шерикпай қизини тўлғоқ тута бошлаган. Самолёт йўловчилари орасида врач топилгунига қадар, стюард Алексей Романюк Гулданадан туғруқни қабул қилиб олган.

Айни пайтда Гулдана Ўш шаҳар туғруқхонасида экани айтилмоқда. Янги туғилган чақалоқ туғруқхонага етиб келгунича шамоллаб қолгани туфайли ҳозир реанимацияда даволанмоқда.
XS
SM
MD
LG