Линклар

logo-print

Киркукдаги ҳужумда ўнлаб одам нобуд бўлди


Ироқ шимолида жойлашган Киркук шаҳрида полиция идорасида камида бир худкуш ўзини портлатди.

Якшанба кунги ҳужумда қанча талафот кўрилгани ҳозирча маълум эмас. Бироқ полиция генерали Натаҳ Муҳаммад Сабр ҳужумда ўттиздан ортиқ одам ҳалок бўлгани, қарийб 70 киши жароҳат олган бўлиши мумкинлигини айтди.

Генерал Сабр ҳужумчилар полиция идораси бош қароргоҳини ўз назоратига олишга урингани аммо уддасидан чиқа олмаганини қўшимча қилди.

Ҳужум учун масъулиятни ҳозирча ҳеч ким ўз зиммасига олмади.

Киркук шаҳрида асосан араблар, курдлар ва туркманлар яшайди.
XS
SM
MD
LG