Линклар

Ироқда ўнлаб одам худкуш ҳужум қурбони бўлди


Ироқнинг Киркук шаҳридаги полиция бош қароргоҳи дарвозаси олдида худкуш шахс машинага ўрнатилган бомба портлатгани ва камида икки жанггари бинога ҳужум қилгани оқибатида ўнлаб одам нобуд бўлди.

Полиция расмийларига кўра, якшанба кунги ҳужумда камида 30 киши ўлган, 70 дан ортиқ одам яраланган.

Гувоҳларга кўра, ҳужум қилганлар Ироқ полицияси кийимида бўлган.

Ҳужум учун масъулиятни ҳозирча ҳеч ким ўз зиммасига олмади.

Бу сўнгги бир неча ҳафта ичида Киркукда амалга оширлган учинчи ҳужумдир.

Ироқ шимолида жойлашган Киркук шаҳрида асосан араблар, курдлар ва туркманлар яшайди.
XS
SM
MD
LG