Линклар

Америкаликлар асраб олган яна бир рус боласи ўлди


Макс Шатто (Максим Кузмин).

Макс Шатто (Максим Кузмин).

АҚШ прокурорлари америкалик оила томонидан Россиядан асраб олинган 3 ёшли Макс Шатто-Максим Кузминнинг ўлими юзасидан тергов олиб бормоқда.

Прокурорлар бу боланинг 21 январ куни боқиб олган техаслик онаси томонидан ўлдирилганини гумон қилмоқда.

Бу воқеа ортидан жиддий баёнот берган Россиянинг Болалар ҳуқуқлари бўйича омбудсмени Павел Астахов АҚШ прокурорларига таяниб, Макс-Максимнинг ўгай онаси томонидан муттасил калтаклангани ва психотроп моддалар билан боқилганини даъво қилмоқда.

Аммо, Техас Болалар ҳуқуқини ҳимоя қилиш хизмати матбуот вакили россиялик боалакайни асраб олган онага қўйилган айблар ҳали тасдиғини топмаганини айтди.

Болани асраб олган ота эса ҳодисага изоҳ беришдан бош тортган.

Айни пайтда Россия Давлат думаси депутатлари америкалик оилада вафот этган Макс Шатто-Максим Кузминнинг ўлимини кескин қораламоқдалар.

Ўтган йилнинг декабр ойида Россияда мамлакат болаларнинг АҚШ фуқаролари томонидан асраб олинишини тақиқловчи қонун қабул қилинган.
XS
SM
MD
LG