Линклар

Хитой ширкати Қизиқумда уран конларини қидиради


Ўзбекистон ва Хитой ширкатлари қўшма корхонаси Марказий Қизилқум минтақасида уран заҳираларини қидириш билан шуғулланадиган бўлди.

Uz-China Uran қўшма корхонасининг 2013 йилдан иш бошлаши ҳақида расмий ташкилотлардан олинган маълумотларга таянган "Новый Век" газетаси хабар қилди.

Расмий маълумотларга кўра, Uz-China Uran Ўзбекистондаги уран конларини аниқлаш бўйича иш бошлайдиган илк қўшма корхонадир.

Марказий Қизилқум минтақасидаги Бўзтоғ майдонида тахминан 5 ярим минг тонна атрофида уран заҳираси борлиги айтилган.

Ўзбекистон Давлат Геология қўмитаси берган маълумотга кўра, Ўзбекистонда аниқланган ва баҳоланган уран заҳираси ҳажми қарийб 186 минг тоннани ташкил қилади.
XS
SM
MD
LG