Линклар

logo-print
Германияда ирқий асосда қатор қотилликларни содир этганликда айбланаётган нео-нацист аёл устидан ўтаётган маҳкама вақтинча тўхтатилди.

Бунга айбланувчи адвокатларининг судяни тарафкашликда айблагани сабаб бўлди. Суд адвокатлар иддаолари текширилиб чиққанидан сўнг давом этади.

Айбланувчи 38 ёшли Беате Цшепе 2000-2007 йиллар оралиғида саккиз нафар турк, бир грек ва немис полициячисининг ўлдирилишида иштирок этганликда айбланмоқда.

У шунингдек камида иккита бомба портлаши, 15та банкнинг ўмарилиши ҳамда террор ташкилоти ҳисобланган Миллий-социал махфий гуруҳида аъзоликда айбланмоқда.

Ультра-ўнгчи гуруҳга кўмаклашганликда яна тўрт киши айбланмоқда. 2011 йилда мазкур гуруҳнинг икки аъзоси банкни ўмараётиб, ўзларини портлатиб юборган эди.

Агар айби исботланса, Цшепе умрбод қамоққа ҳукм қилиниши мумкин.
XS
SM
MD
LG