Туркиялик намойишчилар WhatsAppдан фойдаланмоқда

Истанбулнинг Тақсим майдонидаги намойишчилар ўзаро маълумот алмашиш ва ўз хабарларини Интернет орқали тарқатишда Twitter ва Facebook ижтимоий тармоқларини ишлатиш баробарида кейинги пайтда оммалашаётган WhatsAppдан ҳам кенг фойдаланмоқда.

Туриялик намойишчиларнинг айтишича, WhatsApp намойишчилар ҳаракатини ташкиллаштириш жараёнида энг самарали восита ҳисобланаяпти.

3G ёки Wi-Fi ёрдамида WhatsApp орқали чекланмаган миқдорда ёзув қолдириш имкони намойишчиларга қўл келмоқда.

2009 йилда йўлга қўйилган WhatsApp иловасини камида 1 АҚШ доллари нархида харид қилиш мумкин.