Мурсийнинг истеъфоси бўйича 22 миллион имзо тўпланди

Миср президенти Муҳаммад Мурсийнинг истеъфоси бўйича петициясини 22 миллиондан зиёд мисрлик имзолади.

Бугун Мурсий ҳокимиятга келганининг бир йиллиги муносабати билан мамлакатда йирик норозилик намойишлари ўтказилиши кутиляпти.

Шанба кунги тартибсизликлар оқибатида уч киши, жумладан, араб тилини ўрганишга келган америкалик талаба йигит ҳалок бўлди. Кеча Қоҳирада Мурсий тарафдорлари ва мухолифатчилари иштирокида кўпминг кишилик митинг бўлиб ўтди.