Ҳамид Карзай Покистонга сафар қилмоқчи

Афғонистон Президенти Ҳамид Карзай яқин фурсатда Покистонга боришни режаламоқда.

Ташрифдан мақсад ўзаро муносабатларни яхшилашдан иборат.

Якшанба куни Афғонистон Ташқи ишлар вазирлиги матбуот котиби Жонон Мусазай икки давлат расмийлари ташрифнинг кун тартиби хусусида иш олиб бораётганини айтди.

Мусазай Афғонистон президентининг Покистонга бўлажак сафарининг аниқ муддатини айтмади.

Ўтган ҳафта Карзай сўзлашувлар кун тартибида терроризмга қарши кураш ва тинчлик музокарларида муваффақиятга эришиш масалалари бўлсагина Исломободга бориш таклифини қабул қилишини айтган.