Линклар

Европа Иттифоқининг ташқи сиёсат бўйича мутасаддиси Катрин Эштоннинг бугун Миср армияси ва ҳукумати расмийлари билан Қоҳирадаги вазиятни муҳокама қилиши кутилмоқда.

Мисрда қонуний сайлов йўли билан президентликка келган Муҳаммад Мурсий ҳокимиятдан куч билан олинганидан буён Қоҳирадаги вазият беқарор қолмоқда.

Бугун Мисрда ЕИ мулозими Эштон мамлакат армияси генерали Абдул Фотиҳ Сисий ва муваққат президент Адли Мансур билан музокаралар ўтказади.

Бундан ташқари, ЕИ мулозимининг Мусулмонлар биродарлиги ташкилоти вакиллари билан ҳам сўзлашиши айтилган.

Эштоннинг Мисрга сафари арафасида — шанба-якшанба кунлари Мурсийга тарафдор намойишчилар билан Қоҳирада бўлган тўқнашувлар чоғида 70 дан ортиқ одам ўлгани хабар қилинди.
XS
SM
MD
LG