Линклар

logo-print

Тошкентдан Иркутскка учган самолёт Новосибирскда қўнишга мажбур бўлди


24 август куни “Якутия” авиаширкатининг Тошкент-Иркутск йўналиши бўйлаб учган Boeing-738 самолёти носозлик туфайли маҳаллий вақт билан соат 23:11 да Новосибирскнинг “Толмачево” аэропортига қўндирилди.

Бу ҳақда Ғарбий Сибир транспорт прокуратураси матбуот хизмати хабар тарқатди.

Маълумотларга кўра, Ўзбекистон пойтахтидан Иркутскка йўналган Boeing-738 бортида 55 нафар йўловчи ва кема экипажининг 6 нафар аъзоси бўлган. Фавқулодда қўниш натижасида самолёт бортидаги одамларнинг ҳеч қайсиси жабрланмади, самолётнинг ўзига ҳам шикаст етмагани айтилмоқда.

Мазкур ҳодиса айни пайтда Новосибирск транспорт прокуратураси томонидан текширилмоқда.
XS
SM
MD
LG