Линклар

Futbol bo‘yicha O‘zbekiston milliy terma jamoasi chorshanba kuni Iordaniyaga safar qilish oldidan Toshkentda so‘nggi mashg‘ulotlarini o‘tkazdi.

Mirjalol Qosimov shogirdlari 5 sentyabr kuni charter reys bilan Iordaniya poytaxti Amman shahriga jo‘nab ketadi.

U yerda O‘zbekiston terma jamoasi 6 sentyabr kuni 2014 yilgi Jahon chempionati saralash bosqichining pley-off bahslari doirasida Iordaniya terma jamoasiga qarshi maydonga tushadi.

Irodaniyadagi o‘yin Toshkent vaqti bilan 21:00 da boshlanadi. Javob uchrashuvi 10 sentyabr kuni Toshkentdagi “Paxtakor” stadionida bo‘lib o‘tadi.

Agar O‘zbekiston terma jamoasi pley-offda ikki o‘yin natijasiga ko‘ra g‘olib chiqsa, u holda Janubiy Amerika saralash guruhida 5-o‘rinni qo‘lga kiritgan terma jamoa bilan o‘yin o‘tkazish imkoniga ega bo‘ladi.

Agar, Janubiy Amerika jamoasini ham mag‘lub eta olsa, u holda O‘zbekiston terma jamoasi Jahon chempionatiga yo‘llanmani qo‘lga kiritishi mumkin.
XS
SM
MD
LG