Линклар

Samsung илк "ақлли" соатни тақдим қилди


Galaxy Gear ёрдамида телефон қўнғироқлари ва СМС қабул қилиш, қўнғироқ қилиш ва расмга олиш мумкин.

Galaxy Gear ёрдамида телефон қўнғироқлари ва СМС қабул қилиш, қўнғироқ қилиш ва расмга олиш мумкин.

Samsung ширкати смартуотч русумидаги қўл соатни тақдим қилди. Samsung ширкатига кўра, Galaxy Gear деб номланган “ақлли” соат эгаларига қатор қулайликлар яратиши мумкин. Жумладан, телефон қўнғироқлари ва СМС хабарларини соат дисплейида ўқиш, телефонни чўнтакдан олмасдан соат ёрдамида қўнғироқ қилиш имконини беради. Бундан ташқари смартуотч ёрдамида расмга олиш ҳам мумкин.

Samsung ўзининг илк смартуотч соатини Берлиндаги савдо кўргазмасида чоршанба куни тақдим қилди. Яқин ҳафталар ичида Samsung ширкатининг асосий рақиби ҳисобланган Apple компаниясининг ҳам шунга ўхшаш соатни очиқлаши кутилаётган эди.

Мутахассислар смартуотч русумидаги янги технология жорий йилда энг оммабоп кашфиёт бўлишини башорат қилишмоқда.
XS
SM
MD
LG